Oligerti është ideatori dhe bashkëthemeluesi i shoqërisë Izogrup në vitin e largët 2004. Ai është përfshirë në sektorin e izolimeve që në moshë të hershme. Udhëtimin e tij në këtë sektor ai e nisi në Itali në moshën 17 vjeçare ku ka punuar si specialist për një nga kompanitë më serioze në qytetin e Torinos. Këtu ai u formua dhe u specializua në të gjitha shërbimet e Hidro/Termo Izolimit.

Pas një pune shumëvjeçare Oligerti u angazhua në kurse trajnimi dhe çertifikime në sektorin që ai mbulon. Si njeri ambicioz dhe kërkues ndaj vetes së tij, ai nuk u mjaftua me kaq. Tashmë kishte ardhur koha që Oligerti të kthehej në Shqipëri dhe të jepte kontributin e tij në Atdhe. Kështu, në vitin e 2004, bashkë me të vëllanë ata themeluan shoqërinë Izogrup, një nga shoqëritë më të suksesshme në fushën e Hidro/Termo Izolimit.

Sot, falë ideve kreative, ambicies dhe guximit të tij, shoqëria Izogrup punëson mbi 70 persona të grupmoshave të reja. Oligerti ka dhënë dhe vazhdon të japë kontributin e tij në ekonominë shqiptare duke qenë një taksapagues i rregullt dhe duke punësuar shumë të rinj.